نبأ خام
لما تقسى الدنيا حبة
ينقلب نبض الحروف
يعتزل إحساس مأصل
جوه روحنا
ازاى نشوف؟!
القصايد ساكنة فينا
والمعانى بحر والأشواق
سفينه
واللى زاد الصورة بهجه
ضحكه أنوارها ف عنينا
واللى بيزلزل كيانا
دمعه جوه العين حزينه
صوتها أناته تعاتبنا
تعتزل…!!!
ازاى تسيبنا؟!
إحنا جواك مهما غبنا
احساساتك عايشه فينا
نكتبك دواوين
تخلى
اللى يقرا يزيد
تجلى
يبقى صيتك نور يعلى
لحن دافى بشوق شجينا!
إيمان مصطفي
قد يهمك أيضا
