نبأ خام
في يوم زفاف هالة عمر مديرة أعمال الفنان المصري الإنسان تامر حسني، حكي الفنان قصته مع مديرة أعماله، إنها قصة رائعة، تلك التي جمعت بين فنان صاحب أحاسيس مرهفة، مع فتاه أحبته واحبت الفن ودافعت عنه، على جميع مواقع التواصل الاجتماعي بشكل كبير.
وكان تامر يتابع الطفلة هالة عمر، وهي تدافع عنه على مواقع التواصل الاجتماعي، لكنه لم يراها ابدآ، وفي يوم من الأيام وهو في الإسكندرية، تقابل مع الفتاة صدفة، وعرفته بنفسها، فقرر ان تكون تلك الفتاة هي مديرة أعماله.
ونترككم مع القصة التي يحكيها تامر بنفسه فهي بحق وصدق جميلة جدا.
“لكل اللي بيسأل عن ايه وجه القرابه بيني و بين العروسه الجميله دي شايف اسأله كتير انا هحكيلكوا 😀هي اسمها هاله عمر عرفتها كانت بنت من الفانز صغيره و من المقاتلين و المدافعين عن تامر على الانترنت 😀💪و من كتر دفاعها عني لفتت نظري و مره رديت عليها شكرتها و لما سافرت اسكندريه في الوقت ده لقيت بنت صغيره اوي بتعيط و بتجري عليا فا وقفتلها و فكرتني بنفسها و فضلت تعيط 😢و تقولي احنا معاك و لازم تكمل عشان كنت بتحارب جداً في بداياتي فا اتصدمت ان اللي بتقول كده بنت صغيره كده و المجهود ده كله اللي عاملاه بنت صغيره عندها ١٤ سنه وقتها كانت السوشيال ميديا لسه بتطلع و كنا في شركتنا بندور على شركه كبيره تمسكلي السوشيال ميديا لحد ما قولتلهم انا مش عايز شركه كبيره انا عايز البنت الصغيره دي هي اللي تمسكها فضلوا يقنعوني ان كده مش صح ولازم اكتر حد خبره يمسكها وانا قولت لا لازم اكتر حد بيحبني هو اللي يمسكها و انا واثق ان طاقة الحب مفعولها اقوى من طاقة المحترف بلا حب فعرضت عليها تشتغل معايا و هي في السن ده مصدقتش طبعاً و من ساعتها و هي اللي ماسكه كل شغل الميديا الطفله الشاطره اللي كبرت دلوقتي قدامكم هاله عمر ،،، اما بقى عريسها العسل ده اسمه عمرو طلب اديها مني انا عشان والدها و والدتها توفاهم الله. في سنه واحده رحمهم الله ياريت نفتكرهم و نهديلهم ثواب الدعاء و الفاتحه .. و من اللحظه دي اتحولت هاله لبنتي الكبيره بجد اللي بتتجوز دلوقتي قدامي و بسلمها لعريسها بنفسي و بغني في فرحها ، معرفتش ارد على كلامك عني في الفرح يا هاله رديت دلوقتي هنا ربنا يكرمك و يسعدك مع جوزك الجميل المحترم اللي هيكون ضهرك و سندك و يكمل معاكي مشوار حياتك مع اولادكم الجُمال بإذن الله”.
موعد حفلة تامر حسني في جدة وطريقة حجز التذاكر
لزيارة صفحة تامر حسني انستقرام اضغط هنا
