اضحك في وش النهار/ شعر : ميمي عبد الجليل

اضحك في وش النهار/ شعر : ميمي عبد الجليل

اضحك في وش النهار

تضحك لك المقادير

اياك تقول محتار

لها صاحب التدابير

اتركها ع الجبار

عشمك في رب كبير
دايما حنون ستار
بيحن ع المساكين
سيبك من الغدار
واللي قلوبهم شين
واجبر بخاطر صبي
او حتي ارضي يتيم
وازعق وقول يا نبي
طه حبيبي الزين
صل عليه و اتكل
خليك من الصابرين
تلقي النهار يبتسم
و القلب يبقي بخير
ونقول يارب

#ميمي عبدالجليل
16/11/2022 صباحا