نبأ خام
الساحه خاليه م الخيول
والبغل طايح ف الحمير
أما الغفير
أكبر موالث للعجول
والغول نشيط
والزول
بيستهبل قوى
ياإما بالتأكيد
فعلا عبيط
أو غبى
والتعلب المكار
عامل نبى
ف وش الشراب
وف تنيته
ندل وحويط
براميل بارود
بتحاوط المشهد
الهزلى البليد
والكون مميت
كبريت
ومستنى البارود
يدلق عليه فيقيد
فى كل مستفيد
أو مش مستفيد
يامين
هايلحق الغابه
قبل مايفوت الأوان
قبل ماتدمدم نيرانها
قلبنا وقلب الجيران
يامين أمين
يلحقها
قبل مايفوت الأوان
وترعى ف لحمنا
وبدن الهشيم .
