نبأ خام
عودة الجمهور ميري وملكي كل المؤشرات بتقول اننا هنشوف دوري قوي نتيجة لتعاقدات الأندية مع لاعبيين ومدريين فنيين على أعلى مستوى.
، وده في حد ذاته هيخلق منافسة قوية هتعود بالنفع على المنتخب وهترفع القيمة التسويقية للاعبيين والمدربيين
، ولمباريات الدوري بشكل عام اللي هيزيد الطلب عليه ، وتعلي نسبة مشاهدته في المنطقة العربية وفي افريقيا
كمان ، لوجود لاعبيين افارقه محترفين في الدوري المصري ، بس للأسف كل تكاليف الوجبة الدسمة دي بينقصها
الملح ،،اللي هو جمهور الكورة اللي من غير حضوره في مدرجات أي بطولة في العالم مهما كانت عظمتها ، هتبقى
من غير لاطعم ولا لون ولا ريحة ، وكلنا شوفنا مباريات الدوريات الأوربية اللي كانت ممتعه قبل كورونا ، بقيت ميته
ازاي بعد الحظر رغم وجود كل نجوم اللعبة .
السيناريست : عماد النشار
وخلينا نتعامل مع الواقع اللي بيقول حظر الجماهير عندنا من قبل كورونا لأسباب أمنية ، منعاً لانفلات بعض الجماهير
اللي هتستغل حضورها لماتش كوره لأغراض تانيه بعيد عن الكورة ويحصل مالايحمد عقباه ويروح فيها العاطل مع
الباطل ، ورغم كده الأمن نجح في تلافي المشكلة دي ، وحكم سيطرته على الملاعب اللي اتلعب عليها بطولة
افريقيا للمنتخب الأول ومن بعده منتخب الشباب ، وظهرنا بمظهر مشرف قصاد العالم اللي اتفرج علينا ، وكلنا اتوقعنا
بعد كده عودة الجمهور للمدرجات لكن ده ماحصلش .
فيها إيه لو الجهات الامنية تعيد التجربة دي بحضور أعداد من المجندين شرطة وجيش للمباريات على سبيل الترفيه
بزي مدني جنب إلى جنب مع جمهور الكورة ، منها رفهنا عن الجنود اللي أغلبهم جمهور كوره ، ورفعنا عنهم
الضغوط ، ومنها فوتنا الفرصة على المنفلتين والمتعصبين اللي لما يعرفوا بوجود مجندين معاهم في المدرجات مع
وجود كاميرات مراقبة هيلتزموا بالتشجيع وبس ، اكيد الخطوة دي هتعيد الروح للملاعب ولكل عناصر اللعبة وهتعود
على الكل بالنفع .
قد يهمك أيضا
