قصيده بعنوان برغم ده كلّه .. شعر / عبود حداد

قصيده بعنوان .. برغم ده كلّه .. شعر / عبود حداد
………………
بحبك
بحبك أم ملكانى
بتعرف إنّى جيّلها
تحسّ وقبل ماشكيلها
تحنّ ترقّ وتطبطب تواسينى
تخفّف عنّى أحزانى .
بحبك —
بحبك أُخت سألانى
مابين صلواتى بدعيلك
تروقى رضاه بيدّيلك يخلّيلك
ف عزّ الليل قمر يضوى
ينوّر حلمك البانى .
بحبك —
بحبك بنتى آه يانى
وقت الغُربه تشغلنى
قلبى يدق يقلقنى
هوس بسنانه ينحرنى
يهرب عقلى بالى يشتّ ويحيرنى
آآآآه..
آه لو اكون جناح الرّيح
لعيونك رموشى دليل
ف الشّدّه أهبّ واشيل
أطمّن بيكى أحضانى .
بحبك يابت .. يابت بحبك
بحبك عشقى وغرامى
شعورى وشعرى .قصايدك مشاعرى
وجودك فى روحي غرام الغرام
وعشق الغرام مالوش التئام
برغم الآلام .فى صمت الكلام
وكبتى لبوحى بتنده جروحى
لروحك منايا أمانى ياروحي
أجيبك لحضنى يا أصل الحيااه
نعقد ضفايرك حبل ونجاه
نفرد قلوعك نطقطق ضلوعك
تجيشى بنشوى نجيّش لنشوى
نلملم فى حضنك .. نسرسب الأشواق .
بحبك يابت . يابت بحبك
بحبك ناس قمر ونّاس
ماليها الدفئ والأخلاص.
بحب حياتى ف التفكير
ولما خيالى بيّا يطير وبتأملّ
روحى مخدّه لخدودك
وهمسى لحن على عودك
وتحكيلى .وتشكيلى
آلامى تمسح الدّمعه
مشاعرى تصُب للجُمعه
ترقى تكسر اللوعه
تطهر قسوة الأيام.
فيكى أعيش مع الأحلام
نروى شفايفك النّاعسه
نشرب نشوى جيّاشه
تمدّى عروقنا بالترياق
أنا الوافى .
أنا الوافى وكلّى وفاء
سماكى رجاء.
طول منا حى بشغلك ضلوعى جناح
لأحلى فراشه وتطيرى من الفرحه
بشوقك ف الفضا تطلى على الشاشه
لا مسجونه ولا من الطلّه منحاشه
وإحساسك نغم يشجى
فتتمايل كما الأزهار
قلوب العشق والسّاسه
على وهجك توافيكى
يدوب جرحى ف أوافيكى
ونا فيكى ونا ليكى
لا انا والى ولا باشا ..
عبود حداد
مارس
2003
عبود حداد

قد يهمك أيضا

التناص آليات في شعر الشاعر عصام عبد المحسن للباحثة أصالة عزت سليمان بن ملحم

اترك تعليقاً

لن يتم نشر عنوان بريدك الإلكتروني.

error: