حديث مع النفس
حديث مع النفس

حديث مع النفس ماتحاولش تكون غيرك و ماتحاولش تستجدي الحب من حد

حديث مع النفس ماتحاولش تكون غيرك

وماتحاولش تستجدي الحب من حد

اللي بيحبك هايجيلك عدل ومش هايلاوعك ابدا

اللي بيحبك هايفرح لك في فرحك وهايحزن لحزنك يبقي بلاش تعامل الناس اللي ماتستحقش معاملة غير اللي بيعاملوك بها هما اصلا مش بيحبوك ومش هايجيلك منهم غير تعب القلب فاصرف نظر عنهم واشطب من قاموسك كل الحاقدين والسفلاء واللي ماتربوش كويس والجبناء .

انت طول عمرك ماخفت من حد ولا بتخاف ولا فيه داعي للخوف اصلا فاضرب بقبضتك الحديدية علي راس كل واحد لئيم وسافل ولسانه طويل .. او كل واحد مدعي العظمة وعامل نفسة كبير ” والكبير طبعا هو الله ” امسح من قاموسك كل المتسلقين اللي بياخدوا اماكن مش اماكنهم واللي بيحاولوا يفرضوا نفسهم  علي العالم وهما منفخوين ع الفاضي .

كل الناس في النهاية الي زوال والدنيا اصلا فانية فعلي ايه وليه الناس بتتنفخ وتنجعص وتتفاخر بالالقاب وهما اصل من تراب الي تراب ، بلاش تفاخر وبلاش تعالي وبلاش كدب وعنجهيه ، خليك ودود ولطيف وحب الناس وعاملهم بالحسني وكن اداة خير في مجتمعك وماتنتظرش ثمن اللي بتعمله خلي كل خطواتك لله وفي الله .

انت ايه ومن ايه خلقت خلي الحته دي في دماغك دوما .

شغلتك ايه وجاي الدنيا ليه  برضوا تذكر كل الكلام ده .

عمر قلبك بذكر الله وادخل جنة الدنيا اللي هيا الطاعة وانت مش قد غضب ربنا علشان تعصيه .

قد يهمك أيضا

حالة نفسية . قصة بقلم : سعيد رفيع

اترك تعليقاً