نبأ خام
…
والله هريدى وابن هريدى
مانا فى الاصل ولد صعيدى
شايل همك جوة وريدى
ليه يامايا ماسامعه قصيدى
دنا من طينك.. ملك يمينك
ابنى واعمر وازرع طينك
وساعة النصرة ببقى وليدك
اضحى بروحى واحمى حدودك
علشان يامه بحبك موووت
وانا من قلبى بعلو الصوت
اصرخ اقول يانهار ماتفوت
نور كل زقاق من بلدى
وارمى بياضك لولاد بلدى
سديلى جوعى دفيلى بردى
طبطبي يامه بيدك عندى
دنا محتاج حنيه لقلبي
منك يامه ياسبب سعدى
..
قالوا بتقسي
ابدا عمرك
ولا يوم تنسي
دوم بتحسي
بالغلبان.. والشقيان
قبل الليل ما علينا يمسي
مانت ياغالية النسمة الحانية
وانت القلة بتروى الدنيا
وانت ف عز الحر الضلة
ومهمن قالوا.. انت الفلة
انت بلادى الغالية الحرة
انت الروح لو كانت قاسية
وعمر الام ماكانت قاسية
ولا لولادها كانت ناسية
طبطبي يلا بايد حنية
زى ماطول عمرك يابهية
ومتنسيش ف الشدة هريدى
دنا طول عمرى ماددلك ايدى
واما بطاطى علشان تعلى
فده من اصلى وفرض عليا
ماانت حبيبتى ونبع وريدى
….
طارق
