نبأ خام
مهداة الى الحبيب الغالي: ضياء مكاوي
=-=-=-=-=
ربان اصيل
بيقود مسيرة الطير
يطلع يغرد
فوق غنا النواطير
ينزل يغرد
قمح اهلى الطيبين
ضياء بيطلع
من بين نخيل القرى
ف الفجر يملى الدنيا نور
مكاوي عايش ف الفؤاد
يطرح وداد الأمكنة
ويشيل على كتافه الحمول
نهرين رضا من سلسبيل
وجدين أماني في شط نيل
العصفورين الطيبين
طالعين يغنوا للدهاشى المحرومين
ضياء ومكاوي الاصيل
غردت شرقي بنسمعك
غردت غربي بنفهمك
قاعد على كرسي الجريد
قاعد على كرسي النشيد
مطرح ما تقعد نفهمك
مطرح ماتقعد نعشقك
ويوم تهل علينا عيد
دايما بيشرق بالجديد
ومحبتك ساكنة الوريد
مايهمناش الكرسي ايه
مصنوع من ايه
بيهمنا المعدن يابية
كارفتة ايه
وبدلة ايه
البس عباية قطن ليف
بس المهم قلبك نضيف
بس المهم طالع شريف
الحب كيف
واحنا بنتعاطاك بحب
ونخش درب رضاك بقلب
وهانعمل ايه
انت اللي غارس فينا حب
وانت اللي راوي كل درب
وانت الهوى الطالع يشب
يحضن نخيل
تمره عليل
ويوزع النسمات علينا كلنا
في نهار وليل
